ابوظہبی کا کراچی پورٹ پر 10 سالوں کیلیے 25 کروڑ ڈالر لگانے کا اعلان

ابوظہبی کی حکومت نے کراچی پورٹ پر مزید 25 کروڑ ڈالر سرمایہ کرنے کا اعلان کردیا ہے۔

وزیر اعظم کے دفتر کی طرف سے جاری کردہ ایک سرکاری بیان کے مطابق، ابوظہبی پورٹس نے اگلے 10 سالوں میں کراچی پورٹ میں 250 ملین ڈالر کی سرمایہ کاری کا منصوبہ بنایا ہے۔

اے ڈی پی کے وفد نے چیف ایگزیکٹو آفیسر برائے پاکستان خرم عزیز خان کی قیادت میں وزیراعظم شہباز شریف سے ملاقات کی اور انہیں کمپنی کے منصوبوں کے بارے میں آگاہ کیا۔

وزیر اعظم کو بتایا گیا کہ "ایک جدید ترین، مکمل طور پر لیس ملٹی پرپز ٹرمینل، جو 130 ملین ڈالر کی سرمایہ کاری سے تعمیر کیا جا رہا ہے، اگلے دو سالوں میں مکمل ہو جائے گا۔"

بیان کے مطابق کمپنی کراچی پورٹ پر خودکار گیٹ لگا کر کنٹینر ٹرمینل کی سہولیات کو اپ گریڈ کرنا چاہتی تھی۔ٹرمینل کی تعمیر KPT کو 120,000 ٹن تک کارگو لے جانے والے بحری جہازوں اور "بندرگاہ پر اقتصادی سرگرمیوں میں اضافہ" کے قابل بنائے گی۔

حکام کے مطابق ٹرمینل میں بہتری سے کنٹینر کلیئرنس کا وقت کم ہو جائے گا۔ بیان میں وزیر اعظم شہباز کے حوالے سے کہا گیا کہ ابوظہبی پورٹس کے ساتھ معاہدے کا مقصد شفافیت، کارکردگی میں اضافہ اور بندرگاہ کے آپریشن کو بہتر بنانا ہے۔

انہوں نے بیان میں مزید کہا کہ کنٹینر کی نقل و حمل کو ڈیجیٹل ٹیکنالوجی اور جدید مشینری کے استعمال سے بہتر بنایا جائے گا۔

وزیر اعظم شہباز شریف نے ریلوے حکام کو ٹرمینل سے سامان اٹھانے کے لیے مال بردار ٹرالیاں اور دیگر ضروری سامان فراہم کرنے کی بھی ہدایت کی۔