کراچی کے شہریوں کیلئے دودھ 300 روپے فی لیٹر؟ مہنگائی کا نیا طوفان

کراچی:شہر قائد کے ڈیری اینڈکیٹل فارمرز نے کمشنر کراچی سے دودھ کی قیمت فی لیٹر 300 روپے کرنے کا مطالبہ کردیا۔

تفصیلات کے مطابق دودھ فروشوں اور انتظامیہ میں دسمبر تک قیمتوں میں اضافہ نا کرنے پر معاہدہ طے پاچکا ہے، دودھ فروشوں نے کمشنر کراچی سے دسمبر تک دودھ 220 روپے فی لیٹر کا معاہدہ کیا ہوا ہے۔

ڈیری فاررمز نے کمشنر کراچی سے معاہدہ ختم کرکے قیمتوں میں اضافے کامطالبہ کرتے ہوئے کہا کہ دودھ کی قیمت میں 80 روپے کا اضافہ کرکے 300 روپے فی لیٹر کا نوٹیفکیشن جاری کیا جائے۔

ڈیری اینڈکیٹل فارمرز کی جانب سے کمشنر کراچی سے دودھ کی قیمت کے نئے نوٹیفکیشن کی درخواست کی گئی ہے۔