ملک میں سونے کی فی تولہ قیمت میں بڑا اضافہ

کراچی: بین الاقوامی بلین مارکیٹ میں فی اونس سونے کی قیمت 40ڈالر کے بڑے اضافے سے 2254ڈالر کی نئی بلند ترین سطح پر پہنچنے کے باعث مقامی صرافہ مارکیٹوں سونے کی قیمتیں بڑھ گئیں۔

جمعہ کو 24 قیراط کے حامل فی تولہ سونے کی قیمت 3800روپے کے اضافے سے 234800روپے اور فی دس گرام سونے کی قیمت بھی 3258روپے کے اضافے سے 201303روپے کی سطح پر آگئی۔

اسی طرح فی تولہ چاندی کی قیمت 20روپے کے اضافے سے 2600روپے اور فی دس گرام چاندی کی قیمت بھی 17.15 روپے کے اضافے سے 2211.93روپے کی سطح پر آگئی۔