پاکستان میں سونے کی قیمت میں ایک بار پھر بڑا اضافہ

کراچی : پاکستان اور عالمی مارکیٹ میں سونے کی قیمت میں ایک بار پھر بڑا اضافہ دیکھنے میں آ رہا ہے۔

ذرائع کے مطابق مسلسل 3 دفعہ کمی کے بعد عالمی اور مقامی مارکیٹوں میں سونے کی قیمت میں پھر اضافہ ریکارڈ کیا گیا، پاکستان میں فی تولہ سونے کی قیمت میں آج 1300 روپے کا اضافہ ہوا ہے۔

ملک میں فی تولہ سونا 1300 روپے اضافے کے بعد 2 لاکھ 61 ہزار 700 روپے کا ہوگیا جبکہ 10 گرام سونا 1114 روپے اضافے کے بعد 2 لاکھ 24 ہزار 365 روپے کی سطح پر پہنچ گیا۔

اس کے علاوہ 10 گرام 22 قیراط سونے کی قیمت 2 لاکھ 5 ہزار 668 روپے ہو گئی۔دوسری جانب عالمی منڈی میں سونے کے دام 10 ڈالر بڑھ کر 2500 ڈالر پر ریکارڈ کئے گئے۔