پیٹرولیم مصنوعات کی قیمتوں میں اضافے کا امکان

پاکستان میں پیٹرولیم مصنوعات کی قیمتوں میں اگلے 15 روز کیلیے اضافہ متوقع ہے تاہم نئی قیمتوں کا اعلان 16 ستمبر سے  ہوگا۔

ذرائع کے مطابق پیٹرولیم مصنوعات کی قیمتوں میں 16 ستمبر سے اضافہ ہونے کا امکان ہے۔

وزارت خزانہ کے مطابق پیٹرول کی قیمت میں ایک روپے 54 پیسے، ڈیزل میں 4 روپے 79 پیسے، مٹی کے تیل میں 3 روپے 6 پیسے اور لائٹ ڈیزل میں 3 روپے 68 پیسے فی لیٹر اضافے کا تخمینہ لگایا گیا ہے۔

ذرائع کا کہنا ہے کہ اوگرا 15 ستمبر کو حتمی ورکنگ پیٹرولیم ڈویژن کو بھجوائے گا۔

اس کے بعد پیٹرولیم ڈویژن اور وزارتِ خزانہ لیوی اور دیگر ٹیکسوں کو مدنظر رکھتے ہوئے ورکنگ وزیراعظم کو بھیجیں گے۔

پیٹرولیم مصنوعات کی نئی قیمتوں کا حتمی فیصلہ وزیراعظم کی منظوری کے بعد سامنے آئے گا۔