سونے کی قیمت میں معمولی کمی ریکارڈ

کراچی: آج کاروباری روز کے دوران فی تولہ سونے کی قیمت میں ایک ہزار روپے کی کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت 1000 روپے کم ہوکر 4 لاکھ 43  ہزار 162 روپے ہوگئی ہے۔

ایسوسی ایشن کے مطابق 10 گرام سونے کی قیمت 858 روپے کم ہوکر 3 لاکھ79  ہزار 939   روپے ہے۔

دوسری جانب عالمی بازار میں بھی سونے کی قیمت 10 ڈالر کم ہوکر 4208 ڈالر فی اونس ہے۔

یاد رہے کہ  گزشتہ روز بھی سونے کی فی تولہ قیمت میں  2700 روپے کمی واقع ہوئی تھی۔