زرمبادلہ کے ذخائر میں ایک ہفتے کے دوران کروڑوں ڈالرز کا اضافہ

اسٹیٹ بینک آف پاکستان نے تصدیق کی ہے کہ ایک ہفتے کے دوران زرمبادلہ کے ذخائر میں گیارہ کروڑ 20 لاکھ ڈالرز کا اضافہ ہوا ہے۔

اسٹیٹ بینک کی جانب سے 23 اگست تک کے زرمبادلہ کے ذخائر کی رپورٹ جاری کی گئی ہے جس میں بتایا گیا ہے کہ گزشتہ ہفتے کے دوران زرمبادلہ کے سرکاری زخائر میں 11 کروڑ 20 لاکھ ڈالر کا اضافہ ہوا۔

حالیہ اضافے کے بعد سرکاری ذخائر کی مالیت 9 ارب 40 کروڑ 34 لاکھ ڈالر کی سطح پر آگئی جبکہ مجموعی ذخائر کی مالیت 14 ارب 77 کروڑ 63 لاکھ ڈالر تک بلند ہوگئی۔

ترجمان اسٹیٹ بینک کے مطابق کمرشل بینکوں کے پاس 5 ارب 37 کروڑ 29 لاکھ ڈالر کے ذخائر موجود ہیں۔