گجرات میں ویگو ڈالے پر فائرنگ سے 6 افراد جان سے گئے

پنجاب کے علاقے گجرات میں نامعلوم افراد نے ڈالے پر فائرنگ کردی، جس کے نتیجے میں 6افراد موقع پر ہی جاں بحق ہوگئے۔

ذرائع کے مطابق گجرات کے علاقے ڈنگہ میں مسلح افراد نے سیاہ رنگ کی ویگو گاڑی کو نشانہ بنایا، جس کے باعث ایک ہی گاؤں سے تعلق رکھنے والے 6افراد زندگی کی بازی ہار گئے۔

پولیس کا کہنا ہے کہ فائرنگ کے واقعے میں مرنے والوں کی عمریں 25 سے 35 سال کے درمیان ہیں۔ جن کی شناخت زاہد ناظم، مبشر، زنیر، جاوید اقبال، رخسار اور ایک نامعلوم سے ہوئی ہے۔

پولیس نے واقعے کو دیرینہ دشمنی کا شاخسانہ قرار دیتے ہوئے لاشوں کو ضابطے کی کارروائی کیلیے اسپتال منتقل کردیا۔ ادھر آئی جی پنجاب نے واقعے کا نوٹس لیتے ہوئے ڈی پی او سے رپورٹ طلب کی اور ملزمان کی گرفتاری کیلیے تمام وسائل بروئے کار لانے کی ہدایت کردی۔