شیر افضل مروت کے الزامات، علوی خاندان نے عمران خان سے متعلق بڑا اعلان کردیا

صدر مملکت ڈاکٹر عارف علوی کے صاحبزادے اور پی ٹی آئی کے رہنما عواب علوی کا کہنا ہے کہ علوی خاندان لاکھوں پاکستانیوں کی طرح عمران خان اور تحریک انصاف کے ساتھ ہے۔

پی ٹی آئی کے رہنما شیر افضل مروت کی جانب سے صدر مملکت عارف علوی کو بزدل ، بھگوڑا قرار دیا اور بتایا کہ عواب علوی نے پی ٹی آئی ٹکٹ کے لیے اپلائی کیا جس پر میں نے شدید مخالفت کی تھی۔ اس بیان کے بعد سماجی رابطے کی سائٹ پر ایک طوفان آیا جس پر عواب علوی نے خوشی توڑتے ہوئے پہلی بار صدر مملکت کی عمران خان کے ساتھ وابستگی پر کھل کر لکھا۔

عواب علوی نے بتایا کہ انہوں نے شیر افضل مروت کی ویڈیو صدر مملکت کو بھی واٹس ایپ کی جس پر انہوں نے دل شکستگی کے ساتھ جواب دیا اور صبر کرنے کی تلقین کی ہے۔  بیٹے کے مطابق عارف علوی نے جواب دیا کہ ’اللہ مالک ہے، فکر نہ کرو ، اپنے اعمال کی ذمہ داری میں نے خود اٹھانی ہے، عمران خان جب باہر آئیں گے تو میں خو د انہیں جواب دوں گا، ہم صرف یہ چاہتے ہیں کہ پاکستان اس بحران سے نکلے اور انشاء اللہ پاکستان نکلے گا‘۔

عواب نے اپنے تفصیلی بیان میں لکھا کہ ’علوی خاندان پاکستان کے لاکھوں لوگوں کی طرح عمران خان اور پی ٹی آئی کے ساتھ ہے، ڈاکٹر عارف علوی کے فیصلوں کے حوالے سے غلط فہمیوں پر حساسیت کی وجہ سے خاموشی اختیار کی ہوئی ہے، پی ٹی آئی کے بہت سے رہنما اس کی دلیل جانتے اور سمجھتے ہیں‘۔

Let me be unequivocally clear - The Alvi family is fully dedicated to Imran Khan & PTI like millions of people in Pakistan. Let there be no doubt

Regarding the confusions & misperceptions about decisions taken by Dr Arif Alvi - due to his position and sensitivity on many matters… https://t.co/4bGkUPkwSZ

— Awab Alvi (@DrAwab) January 15, 2024

عواب علوی نے کہا کہ ’بہت جلد عمران خان باہر آجائیں گے تو پھر ڈاکٹر عارف علوی انہیں ساری صورت حال اور اپنے کردار کے حوالے سے آگاہ کریں گے، ڈاکٹر عارف علوی ہمیشہ عمران خان کے شانہ بشانہ کھڑے رہے ہیں اور انہیں سچا مخلص پاکستانی سمجھتے ہوئے یہ مانتے ہیں کہ صدارت عمران خان کی امانت تھی اور ہے‘۔ 

انہوں نے لکھا کہ ’عارف علوی عمران خان کے خلاف کسی بھی غیر آئینی کوشش کو روکنے کے لیے موجود رہے،عارف علوی کو ملک میں انتخابات کو روکنے کے کسی غیر آئینی اقدا م کو روکنے کا کام سونپا گیاتھا، اُن کی عدم موجودگی کی صورت میں پابند نگران صدر آرڈیننس کے بعد آرڈیننس پر دستخط کیا‘۔

عواب کہنا تھا کہ ’بے ترتیب آرڈیننس کی بنیاد پر بے قابو طاقت کا امکان زیادہ تباہی مچا سکتا تھا، پی ڈی ایم، ای سی پی اور ان کے ساتھی اپنے پاوٴں میں گولی مارنے پر مجبور ہیں لیکن انتخابات کرانا پڑ رہے ہیں، مخالفین عمران خان کی مقبولیت کو ناکام بنانے کے لیے اپنی گھبراہٹ میں بار بار بے نقاب ہو رہے ہیں، آج صدر مملکت کو شیر افضل مروت کی ویڈیو شیئر کی تو انہوں نے بھاری دل سے جواب دیا‘۔

عواب علوی نے لکھا کہ ’پی ٹی آئی کے بانی اور رہنماؤں و کارکنان کی گرفتاریوں، جسمانی اذیت اور زیادتی پر پر صدر مملکت کو شدید دھچکا پہنچا ہے، وہ پھر بھی خاموش رہ کر باوقار سربراہ مملکت کے طور پر برتاوٴ کررہے ہیں، ہم سب امید اور دعا کرتے ہیں کہ عمران خان جلد آزاد ہو کر ہمارے درمیان ہوں‘۔

انہوں نے مزید لکھا کہ ’ہم سب امید اور دعا کرتے ہیں کہ عمران خان جلد آزاد ہو کر ہمارے درمیان ہوں‘۔ عواب علوی نے مزید لکھا کہ ’عوام ووٹ ڈالنے کے لیے باہر نکلیں اور 8 فروری کو ہیرا پھیری کرنے والوں کو شکست دیں، صدر عارف علوی نے مسلسل کہا ہے کہ عمران خان سب سے زیادہ ایماندار اور وفادار پاکستانی ہیں‘۔