بھارتی اداکارہ کی اچانک موت پر انڈسٹری افسردہ

بالی ووڈ اداکارہ پونم پانڈے کینسر سے زندگی کی بازی ہار کر دار فانی سے کوچ کرگئیں۔

بھارتی میڈیا کے مطابق پونم پانڈے کی موت کی خبر سوشل میڈیا پر ان کی ٹیم نے شئیر کی۔ مینیجر پونم پانڈے نیکتا شرما کا کہنا ہے کہ پونم کی موت سے پوری اندسٹری افسردہ ہے۔

پونم پانڈے کی ٹیم نے اداکارہ کے آفیشل انسٹاگرام اکاؤنٹ پر مداحوں کے لیے افسوسناک خبر پوسٹ کی جس میں کہا گیا کہ آج کی صبح ہمارے لیے بہت مشکل ہے، آپ کو یہ بتاتے ہوئے بہت دُکھ ہورہا ہے کہ ہم نے اپنی پیاری پونم پانڈے کو سروائیکل کینسر کی وجہ سے کھو دیا ہے۔

پونم پانڈے کی اچانک موت پر بھارتی شوبز انڈسٹری کو گہرا صدمہ پہنچا ہے جبکہ مداحوں کی جانب سے بھی اداکارہ کی موت پر افسوس کا اظہار کیا جارہا ہے۔