ڈکی بھائی سے متعلق افواہوں پر اہلیہ عروب جتوئی نے خاموشی توڑ دی

پاکستانی یوٹیوبر سعدالرحمان المعروف ڈکی بھائی کی اہلیہ عروب جتوئی نے سوشل میڈیا پر گردش کرتی خبروں کی وضاحت کرتے ہوئے مداحوں سے غیر ضروری قیاس آرائیاں نہ پھیلانے کی اپیل کی ہے۔

عروب جتوئی نے اپنی انسٹاگرام اسٹوری میں لکھا کہ سعد اس وقت مکمل طور پر بریک لے رہے ہیں، اس لیے ان سے منسوب سوشل میڈیا پر شیئر ہونے والی ہر ویڈیو یا تصویر پرانی ہے۔

انہوں نے بتایا کہ رہائی کے بعد کوئی نئی ریکارڈنگ یا نیا فوٹو شوٹ نہیں ہوا۔

عروب نے مزید کہا کہ “براہِ مہربانی غلط فہمیاں پیدا نہ کریں۔ سعد جلد واپس آئیں گے، اور پہلے سے زیادہ مضبوط انداز میں واپسی کریں گے۔”

واضح رہے کہ ڈکی بھائی کو اگست 2025 میں لاہور ایئرپورٹ سے نیشنل سائبر کرائم انویسٹی گیشن ایجنسی نے ایک مبینہ جوا ایپ کی تشہیر کے الزام میں گرفتار کیا تھا، جبکہ انہیں رواں ہفتے ضمانت پر رہائی ملی ہے۔