فراڈ کے مقدمے میں اداکارہ نازش جہانگیر کی گرفتاری کا امکان

لاہور کی عدالت نے فراڈ کے مقدمے میں اداکارہ نازش جہانگیر کی عبوری ضمانت خارج ہوگئی جس کے بعد اُن کی گرفتاری کا امکان ظاہر کیا جارہا ہے۔

تفصیلات کے مطابق اداکارہ کے خلاف لاہور کے تھانہ ڈیفنس سی پولیس نے فراڈ کا مقدمہ درج کیا جس پر نازش جہانگیر نے گرفتاری سے بچنے کیلیے عبوری ضمانت کیلیے درخواست دائر کی تھی۔

اداکارہ عدالت میں درخواست دائر کرنے کے بعد غائب ہوگئیں اور پھر اس کی پیروی بھی نہیں کری جس پر جج نے درخواست کو خارج کردیا۔

پولیس کے مطابق نازش جہانگیر کے خلاف اداکارہ اذان اسود ہارون نے فراڈ کا مقدمہ درج کرایا تھا جس میں مؤقف اختیار کیا گیا تھا کہ اداکارہ نے  25 لاکھ روپے اور گاڑی دو ماہ کیلیے مانگی اور وقت پورا ہونے کے باوجود بھی کوئی چیز واپس نہیں کی۔

 عدالت نے مقدمے کے شریک ملزم سکندر کی عبوری ضمانت میں اکتوبر کے پہلے ہفتے تک توسیع کردی۔