فیصل قریشی سے تقریبا 12 سال بڑی ہوں، اہلیہ کا انکشاف

پاکستانی شوبز انڈسٹری کے معروف اداکار و میزبان فیصل قریشی کی اہلیہ نے انکشاف کیا ہے کہ وہ اپنے شوہر سےتقریباً 12 سال بڑی ہیں۔

تفصیلات کے مطابق فیصل قریشی کی اہلیہ ثنا فیصل سے سوشل میڈیا پر ایک مداح نے اُن کی اور فیصل قریشی کی عمر میں فرق سے متعلق سوال کیا۔ اس پر ثنا نے جواب دیتے ہوئے کہا کہ  میں اپنے شوہر سے 10 سے 12 سال بڑی ہوں، امید ہے جواب سننے کے بعد اب آپ کے کلیجے میں ٹھنڈ پڑ گئی ہوگی۔

ثنا فیصل کے اس بے باک جواب پر مداح نہ صرف جان کر حیران ہوئے بلکہ کچھ نے تو اس کی تعریف کی اور اُن کے جواب کا اسکرین شارٹ سوشل میڈیا پر شیئر کیا۔