گلوکار جسٹن بیبر کے ہاں لڑکے کی پیدائش

معروف کینیڈین گلوکار جسٹن بیبر کے ہاں 6 سال بعد بیٹے کی پیدائش ہوئی ہے۔

بین الاقوامی میڈیا رپورٹ کے مطابق جسٹن بیبر اور اُن کی اہلیہ ہیلی بیپر کے ہاں 6 سال بعد بیٹے کی پیدائش ہوئی۔ اس بات کی اطلاع بیبر نے انسٹاگرام پر مداحوں کے ساتھ شیئر کی۔

انہوں نے نومولود کی ٹانگ کی تصویر شیئر کی اور لکھا کہ ’ہم اپنے پیارے شہزادے کو گھر میں خوش آمدید کہتے ہیں‘۔

کینیڈین گلوکار نے بتایا کہ انہوں نے بیٹے کا نام ‘جیک بلوز بیبر’ رکھا ہے۔

جسٹن بیبر کو والد بننے پر مداحوں اور ساتھیوں نے مبارک باد دی۔ واضح رہے کہ کینیڈین پاپ اسٹار جسٹن بیبر اور ہیلی بیبر نے سال 2018 میں شادی کی تھی۔