معروف کامیڈین اور اداکار انورعلی چل بسے

لاہور: معروف کامیڈین اور اداکار انورعلی طویل علالت کے بعد فانی دنیا کو خیر باد کہہ گئے۔

خاندانی ذرائع کا اس حوالے سے کہنا ہے کہ انور علی پھیپھڑوں،گردوں اور دل کے امراض میں مبتلا تھے، ان کی عمر 71سال تھی۔

انور علی کو طبیعت  خراب  ہونے پر گزشتہ روز اسپتال منتقل کیا گیا تھا۔مرحوم کی  نمازجنازہ کل نماز ظہر کے بعد ماڈل ٹان لنک روڈ پر ادا کی جائیگی۔

معروف کامیڈین اور اداکار انور علی نے اسٹیج اورٹی وی پر بیشمار ڈراموں میں اداکاری کے جوہر دکھائے۔