پی ایس ایل 9 کا ترانہ، علی ظفر نے ویڈیو شیئر کردی

معروف پاکستانی گلوکار علی ظفر نے پاکستان سپر لیگ سیزن 9 کے ترانے کی دھن بنانا شروع کردی جبکہ ایچ بی ایل پاکستان سپر لیگ (پی ایس ایل) نے سیزن 9 کا آفیشل ترانہ علی ظفر کی آواز میں آنے کی تصدیق کردی۔

پی ایس ایل کے آفیشل اکاؤنٹ پر علی ظفر کی ایک ویڈیو شیئر کی گئی جس میں وہ سیزن 9 کا گانے کی دھن پیانو پر بجانے میں مصروف نظر آرہے ہیں۔ 

اس سے قبل یہی ویڈیو علی ظفر نے سماجی رابطے کی سائٹ ایکس پر شیئر کی اور لکھا تھا کہ ’بھائی حاضر ہے‘۔

بعد ازاں پی ایس ایل نے اس ویڈیو کو شیئر کرتے ہوئے لکھا کہ ’سیٹی تو بجے گی‘۔ پی ایس ایل کا 9 شاندار ترانہ علی ظفر کی آواز میں جلد ریلیز کیا جائے گا، جس کی الٹی گنتی اب شروع ہوچکی ہے۔ 

🕺🌟🎶🧘 Bilkul bajay gi. Aur stage bhee phir se sajjay ga ! #HBLPSL9 #Anthem #PSL #PSLanthem #BhaeeHazirHai https://t.co/wkh4ehO9Ja

— Ali Zafar (@AliZafarsays) February 2, 2024

جواب میں گلوکار علی ظفر نے بھی سوشل میڈیا پر یہ پیغام شیئر کرتے ہوئے لکھا ہے کہ بالکل بجے گی اور سٹیج بھی پھر سے سجے گا۔ 

ایک اور اطلاع کے مطابق پی ایس ایل سیزن 9 کے آفیشل ترانے میں آئمہ بیگ بھی اپنی آواز کا جادو جگائیں گی۔