راحت فتح علی ظالم اور منافق انسان ہے، ساحر علی بگا

معروف گلوکار اور میوزک کمپوزر ساحر علی بگا نے راحت فتح علی خان کو منافق اور ظالم قرار دے دیا۔

ویسے تو یہ میوزیکل جوڑی کئی سالوں سے ایک ساتھ کام کر رہی تھی۔ ساحر علی بگا نے لیجنڈ قوالی فنکار کے لیے کئی ہٹ گانے بھی ترتیب دیے ہیں لیکن لگتا ہے کہ ان کے تعلقات میں تلخی آ گئی ہے۔

’ڈھولا‘ گلوکار نے حال ہی میں سوشل میڈیا پر اپنے دیرینہ دوست کو تنقید کا نشانہ بنایا۔

انسٹاگرام پر انہوں نے اپنی سوشل میڈیا پوسٹ میں کہا کہ راحت فتح علی خان نہ صرف ایک ظالم انسان ہیں بلکہ وہ منافق بھی ہیں۔

بگا کی پوسٹ نے گلوکاروں کے گرنے کی ممکنہ وجوہات کے بارے میں آن لائن بحث کی ایک لہر کو جنم دیا جبکہ مداحوں نے اس حوالے سے اُن سے شواہد اور وجہ دریافت کی۔

عوامی تنقید کے بعد ساحر علی بگا نے اس پوسٹ کو اپنے سوشل میڈیا اکاؤنٹ سے ڈیلیٹ کر دیا تاہم ان کی پوسٹ کا اسکرین شاٹ مختلف سوشل میڈیا پیجز پر گردش کرتا رہا، جس کے بعد اُن کے لیے مشکل کھڑی ہوگئی ہے۔