کراچی : سیوریج ملے پانی کے استعمال سے ہیضہ پھیلنے لگا

طبی ماہر نے انکشاف کیا ہے کہ شہر قائد میں سیوریج ملا پانی ہیضے کے پھیلا ئوکا سبب بن رہا ہے، جناح اسپتال میں آج کل روزانہ 70 سے 80 ہیضے کے مریض آرہے ہیں۔

طبی ماہرین کے مطابق ان دنوں زیادہ تر مریض پیٹ کے انفیکشن کے ساتھ لائے جارہے ہیں، جناح اسپتال میں عام طور پر ہیضے کے 30 سے 40 مریض لائے جاتے ہیں۔

شہر قائد میں میں بارشوں کے آغاز سے ہی ہیضے کے کیسز میں اضافہ ہوا ہے اور بارشوں میں ہیضے کے کیسز میں مزید پھیلا ئوکا خدشہ ہے۔

طبی ماہر نے عوام سے غیر معیاری غذا اور غیر معیاری مشروبات سے پرہیز کرنے اور صاف پانی پینے، صابن سے ہاتھ دھونے اور صفائی کا خیال رکھنے کی اپیل کی ہے۔