کوئٹہ میں مزدور کے گھر بیک وقت چار بچوں کی پیدائش، 3 لڑکے ہیں

کوئٹہ کے علاقے سیٹلائٹ ٹاؤن کے مزدور راز محمد کے ہاں بیک وقت چار بچوں کی پیدائش ہوئی ہے جن میں لڑکے اور ایک لڑکی شامل ہے۔

راز محمد کے ہاں بیک وقت چار بچوں کی پیدائش نجی اسپتال میں ہوئی جبکہ اُن کے پہلے سے دو بچے بھی موجود ہے اور اب اولاد کی مجموعی تعداد 6 ہوگئی ہے۔

راز محمد نے بتایا کہ وہ کوئٹہ میں ڈرائی فروٹ کی دکان میں مزدوری کا کام کرتے ہیں۔

اپنے گھر میں بیک وقت چار بچوں کی پیدائش پر راز محمد خوش ہیں مگر انہیں معاشی ذمہ داریوں کی بھی فکر ہے اور وہ اس کو بڑا چیلنج قرار دے رہے ہیں۔

راز محمد نے وزیرِاعلیٰ بلوچستان اور صاحبِ ثروت افراد سے اپیل کی ہے کہ وہ ان کے خاندان کی معاونت کریں تاکہ وہ اپنے بچوں کی بہتر دیکھ بھال اور ضروریات کو پورا کرسکیں۔