علیزے شاہ کی اے آئی تصاویر سامنے آگئیں

پاکستان شوبز انڈسٹری کی معروف اداکارہ علیزے شاہ نے اپنی مصنوعی ذہانت ٹیکنالوجی سے بنی تصاویر شیئر کردیں جنہیں دیکھ کران کے چاہنے والوں نے حیرانی کا اظہار کیا۔

سماجی رابطے کی فوٹو ویڈیو شیئرنگ سائٹ انسٹاگرام پر علیزے شاہ نے اپنی نئی تصاویر شیئر کیں جو اُن کی حقیقی تصاویر سے مشابہت رکھتی ہیں۔

اگر اداکارہ ان تصاویر کے بارے میں بتاتی نہیں تو پھر مداح حیران ہی رہ جاتے کیونکہ یہ انتہائی خوبصورت اور ہائی پکسل تصاویر ہیں۔

علیزے شاہ نے بتایا کہ اُن کی یہ تصاویر آرٹیفیشل انٹیلی جنس کی مدد سے بنائی گئی ہیں۔

ان تصاویر میں علیزے نے کورین اداکاروں کا روپ دھارا ہیں جو اُن کے مداحوں کو پسند آیا جبکہ کچھ صارفین نے اس پر تنقید بھی کی اور انہیں اپنا اصل روپ ہی دھارنے کا مشورہ دیا۔