عید پر عامر خان نے بیٹوں کے ہمراہ چاہنے والوں کو مٹھائیاں کھلائیں

بھارتی فلم انڈسٹری کے معروف اداکار عامر خان نے بیٹوں کے ہمراہ اپنے چاہنے والوں کو مٹھائیاں کھلار کر عید کا تہوار منایا۔

سوشل میڈیا پر شیئر کی گئی ویڈیو میں دیکھا جاسکتا ہے کہ معروف بھارتی اداکار عامر خان عید کے موقع پر اپنے دونوں بیٹوں جنید اور آزاد کے ساتھ مداحوں کو مٹھائیاں کھلانے میں مصروف ہیں۔

اس موقع پر اداکار اور ان کے بیٹوں نے سفید شلوار قمیض پہنے ہوئے ہیں اور وہ اپنی رہائش گاہ پر موجود ہیں۔

عامر خان نے اس موقع پر گھر کے باہر جمع ہونے والے مداحوں سے ملاقات کی، انہیں مٹھائی کھلائی اور تصاویر بنوائیں۔