ڈکی بھائی کی اہلیہ عربوں جتوئی کی ضمانت سے متعلق فیصلہ

سیشن عدالت لاہور نے یوٹیوبر سعد الرحمٰن المعروف ڈکی بھائی کی اہلیہ عروب جتوئی کی جوا بازی سے متعلق ایپس کی تشہیر کے کیس میں عبوری ضمانت میں 6 نومبر تک توسیع کر دی۔

عدالت میں ایڈیشنل ڈسٹرکٹ اینڈ سیشن جج ڈاکٹر ساجدہ چوہدری نے سماعت کی، جس کے دوران عروب جتوئی عدالت میں پیش ہوئیں کیونکہ ان کی قبل از گرفتاری ضمانت کی مدت ختم ہو چکی تھی۔

عدالت نے قومی سائبر کرائم انویسٹی گیشن ایجنسی (NCCIA) کو ہدایت کی کہ وہ آئندہ سماعت پر تازہ ترین تحقیقاتی رپورٹ پیش کرے۔

ذرائع کے مطابق NCCIA نے ڈکی بھائی، ان کی اہلیہ اور دیگر افراد کے خلاف مقدمہ درج کر رکھا ہے۔ ادارے کے مطابق ملزمان پر الزام ہے کہ وہ بین الاقوامی آن لائن جوا نیٹ ورک سے منسلک تھے اور بھاری رقوم کے عوض بیٹنگ ایپس کی تشہیر کرتے تھے۔

دوسری جانب، یوٹیوبر سعد الرحمٰن اس وقت جوڈیشل ریمانڈ پر جیل میں ہیں، کیونکہ ان کی بعد از گرفتاری ضمانت کی درخواستیں پہلے جوڈیشل مجسٹریٹ اور بعد ازاں سیشن عدالت دونوں مسترد کر چکی ہیں۔