کیا کبریٰ خان اور گوہر رشید کا نکاح مکہ مکرمہ میں ہوگا؟

پاکستان کی نامور اداکارہ کبری خان اور اداکار گوہر رشید جلد شادی کے بندھن میں بندھنے والے ہیں۔ ذرائع کے مطابق ان کا نکاح مکہ مکرمہ میں ہوگا۔

ذرائع کے مطابق اگرچہ جوڑے یا ان کے قریبی ذرائع کی طرف سے کوئی بیان جاری نہیں کیا گیا ہے، لیکن اس خبر نے ان کے مداحوں میں جوش پیدا کر دیا ہے۔

واضح رہے کہ گوہر رشید اور کبری خان کی شادی کی تیاریاں جاری ہیں اور دوستوں کیلیے تقاریب کا انعقاد کیا جارہا ہے۔

کبری خان اور گوہر رشید کی مشترکہ دوست سبینہ سید اور شاہ نواز نے والی بال نائٹ گیم کا انعقاد کیا جس میں اداکارہ اور دلہا کی علیحدہ علیحدہ ٹیمیں تھیں۔

کبری خان کی ٹیم میں خواتین جبکہ گوہر رشید کی ٹیم میں لڑکے تھے، دلہا کی ٹیم نے یہ میچ جیت لیا۔

اس کھیل میں میں کئی معروف ستارے شامل ہوئے، جن میں مومل شیخ، شہزاد شیخ، علی رحمان، وجاہت روف، سبینہ سید، عاشر وجاہت، شاہ نواز، عمیر عالم، اور سحر خان شامل تھی۔

اگرچہ دولہا کی ٹیم نے میچ جیتا، لیکن اصل میں سب نے ملکر انجوائے کیا اور خوب جشن منایا۔