معروف امریکی اداکارہ نے طلاق کے لئے عدالت سے رجوع کرلیا

نیویارک: ہالی ووڈ اداکارہ اور کاروباری شخصیت جیسیکا البا نے باضابطہ طور پر اپنے شوہر کیش وارن سے طلاق کے لیے عدالت میں درخواست دائر کر دی ہے۔

 یہ اقدام جنوری میں علیحدگی کے اعلان کے بعد سامنے آیا ہے۔غیر ملکی میڈیا رپورٹس کے مطابق طلاق کا قانونی عمل مکمل ہوگیا، جس میں جیسیکا نے معروف طلاق وکیل لورا واسر کے ذریعے دستاویزات جمع کرائیں، جبکہ کیش وارن نے اپنے وکیل ایڈم لپسک کے ذریعے درخواست دائر کی۔

ذرائع کے مطابق ان کی علیحدگی مکمل طور پر باہمی رضامندی سے ہوئی ہے اور دونوں ہی اس فیصلے کے حق میں ہیں۔ دونوں نے اپنے تین بچوں، جن کی عمریں 16، 13 اور 7 سال ہیں، کی مشترکہ جسمانی اور قانونی تحویل کی درخواست کی ہے۔

جہاں تک اثاثوں کا تعلق ہے، وہ کمیونٹی پراپرٹی کے زمرے میں آتے ہیں، جن میں جیسیکا کی کمپنی Honest Company، جس کی مالیت 623 ملین ڈالر ہے، اور کیش وارن کی کمپنی Pair of Thieves شامل ہے، جس کی مالیت تقریبا 100 ملین ڈالر سمجھی جاتی ہے تاہم بعض ذرائع کا ماننا ہے کہ اس کی قدر اس سے کئی گنا زیادہ ہو سکتی ہے۔

دستاویزات کے مطابق جوڑے کی علیحدگی کی تاریخ 27 دسمبر درج کی گئی ہے۔ یہاں یہ بات بھی قابل ذکر ہے کہ حالیہ دنوں میں کیش وارن کو اپنے بچوں میں سے ایک کے ساتھ بغیر شادی کی انگوٹھی کے دیکھا گیا تھا ۔

واضح رہے کہ اداکارہ جیسیکا اور فلم پروڈیوسر کیش کی شادی 2008 میں ہوئی تھی یہ ہالی ووڈ کے معروف جوڑوں میں شمار کی جاتے تھے۔