سیلاب متاثرین کی امداد اور بحالی، گلوکار عاصم اظہر میدان میں آگئے

لاہور: عاصم اظہر نے کہا: جو بکھر گیا اسے ہم سب مل کر سمیٹ سکتے ہیں  سیلاب متاثرین کے لیے مدد کی اپیل۔معروف گلوکار اور اداکار عاصم اظہر نے مداحوں کے نام ایک جذباتی پیغام جاری کرتے ہوئے سیلاب متاثرین کے لیے متحد ہونے اور بھرپور مدد کرنے کی اپیل کی ہے۔

اپنی انسٹاگرام اسٹوری پر عاصم اظہر نے لکھا کہ آج ہماری سرزمین رو رہی ہے، سیلاب نہ صرف گھر اور خواب بہا لے گیا بلکہ قیمتی جانیں بھی ساتھ لے گیا۔گلوکار نے مزید لکھا کہ میرا دل ہر ماں، باپ اور اس بچے کے لیے غمزدہ ہے جو ناگہانی آفت کا شکار ہوئے۔

 مشکل وقت میں ہمیں ایک قوم بن کر ساتھ دینا ہوگا۔ انہوں نے متاثرین کو دعاں میں یاد رکھنے اور قابلِ اعتماد فلاحی اداروں کو عطیات دینے کی اپیل کرتے ہوئے کہا کہ جو بکھر گیا، اسے ہم سب مل کر سمیٹ سکتے ہیں۔

یاد رہے کہ این ڈی ایم اے کے مطابق گزشتہ 48 گھنٹوں میں صرف خیبرپختونخوا میں بارش، لینڈ سلائیڈنگ اور سیلاب میں جاں بحق افراد کی تعداد 340 سے تجاوز کرگئی ہے۔

آسمانی بجلی گرنے سے 321 افراد جاں بحق ہو چکے ہیں۔ متاثرہ علاقوں میں پاک فوج، پی ڈی ایم اے اور ضلعی انتظامیہ امدادی کارروائیوں میں مصروف ہیں۔