ٹک ٹاکر سامعہ حجاب نے اپنے سابق منگیتر کو معاف کیوں کردیا؟

اغوا کے الزام میں گرفتار ہونے والے حسن زاہد کو ٹک ٹاکر سامعہ حجاب نے اچانک معاف کر دیا اور کیس بھی واپس لے لیا۔

عدالت کے باہر جب صحافیوں نے ان سے معافی کی وجہ پوچھی تو انہوں نے خاموشی اختیار کی۔ یہ سوال سب کے ذہنوں میں گونجتا رہا کہ آخر وہ شخص جس پر سنگین دھمکیوں اور اغوا کی کوشش کا الزام تھا، اسے کیوں معاف کیا گیا؟

آخرکار سامعہ حجاب نے سوشل میڈیا پر اس راز سے پردہ اٹھا دیا۔ اپنے پیغام میں انہوں نے بتایا کہ حسن زاہد کو اس لیے معاف کیا گیا کیونکہ اس کے والدین گھر آکر ان سے باقاعدہ معافی مانگ چکے تھے۔

سامعہ نے مزید کہا کہ اس فیصلے پر 75 فیصد عوام نے ان کا ساتھ دیا، جبکہ 25 فیصد نے ان پر سخت تنقید کی۔ یاد رہے کہ عدالت نے گزشتہ روز 20 ہزار روپے کے مچلکوں کے عوض حسن زاہد کی ضمانت منظور کی تھی۔

دوسری جانب یہ افواہیں بھی گردش کر رہی ہیں کہ ٹک ٹاکر نے مبینہ طور پر کروڑوں روپے کی ڈیل کے بعد اپنے سابق منگیتر کو معاف کیا ہے۔