بھارت کو شکست دینے پر جاوید آفریدی کا پاک فوج کیلیے کروڑوں روپے کا نقد انعام

معروف صنعتکار اور پی ایس ایل کی فرنچائز پشاور زلمی کے مالک جاوید آفریدی نے بھارت کو ناکوں چنے چبوانے اور چاروں شانے چت کرنے پر پاک فوج کے لیے کروڑوں روپے نقد انعام کا اعلان کیا ہے۔

پشاور زلمی اور زلمی فاؤنڈیشن کے سربراہ جاوید آفریدی نے پاک فوج کی بے مثال قربانیوں اور بہادری کو خراج تحسین پیش کرتے ہوئے 5 کروڑ روپے کے عطیہ کا اعلان کیا ہے۔  

سماجی رابطے کی سائٹ ایکس  پر جاری اپنے پیغام میں آفریدی نے لکھا:  "زلمی فاؤنڈیشن کی جانب سے ہماری بہادر افواج کے اعزاز میں 5 کروڑ روپے کے عطیہ کا اعلان کرتے ہوئے انتہائی فخر محسوس ہو رہا ہے۔ ملک کی خودمختاری کے تحفظ میں ان کی بے مثال ہمت اور قربانیاں ہم سب کے لیے باعثِ اعزاز ہیں۔"

یاد رہے کہ پاکستان نے گزشتہ برسوں میں دشمن کی جارحیت کے خلاف "آپریشن بنیان مرصوص" جیسی کامیاب دفاعی کارروائیوں سے اپنی جنوری صلاحیتوں کا لوہا منوایا تھا۔ پاک فوج کی جانب سے دشمن کے متعدد اہم فوجی اڈوں کو نشانہ بنایا گیا، جس نے خطے میں پاکستان کی دفاعی برتری کو مزید مستحکم کیا۔  

جاوید آفریدی کا یہ اقدام پاک فوج کے ساتھ عوامی یکجہتی کا ایک اور مظہر ہے۔ زلمی فاؤنڈیشن سمیت دیگر سماجی ادارے مسلح افواج کی فلاح و بہبود کے لیے مسلسل کام کر رہے ہیں۔  

پاک فوج کی شاندار کارکردگی اور قربانیوں کو قومی سطح پر تسلیم کیا جاتا رہا ہے، اور جاوید آفریدی جیسے معروف شخصیات کی جانب سے ایسے اقدامات افواج کے حوصلے بلند کرنے میں اہم کردار ادا کرتے ہیں۔