بنوں حملے میں مارے جانے والے دہشت گردوں کی لاشوں پر عوام کا پتھراؤ، تھوک بھی پھینکا

بنوں کینٹ میں حملہ کرنے اور سیکیورٹی فورسز کی کارروائی میں ہلاک ہونے والے 14 خوارج کی لاشوں پر عوام نے تھوک کر انہیں ذلت و رسوائی کا نشان بنادیا۔

 ذرائع کے مطابق بھنبھناتی مکھیوں کے درمیان پڑی ان لاشوں پر غصے سے بھرے مقامی افراد نے تھوکا اور جب پولیس لاشیں شناختی پریڈ کیلیے لے جر جارہی تھی تو عوام نے مسخ شدہ لاشوں پر پتھراؤ کیا اور تھوکا۔ 

غصے سے بھرے شہریوں نے کہا کہ دہشت گردی کا انجام ہمیشہ تباہی اور ذلت ہوتا ہے۔ ان پر مکھیاں بھنبھناتی ہیں جبکہ ہر گزرتا لمحہ ان کی بے بسی کی داستان سناتا تھا۔

مقامی لوگوں نے لاشوں پر لعنت ملامت کی، پتھر برسائے اور ان کے انجام پر اظہارِ نفرت کیا اور کہا کہ دہشت پھیلانے کیلیے آنے والے عناصر خود ہی عبرت کی مثال بن گئے۔