چیف جسٹس کی تقرری کیلیے کمیٹی قائم، پی ٹی آئی سے کون شامل ہوا؟

سینیٹ سے خصوصی پارلیمانی کمیٹی کیلئے چاروں اراکین کے نام سامنے آ گئے۔

مسلم لیگ ن کی جانب سے اعظم نزیر تارڑ ،پیپلز پارٹی کی طرف سے فاروق ایچ نائیک پی ٹی آئی کی طرف سے بیرسٹر علی ظفر ،جےیو آئی کہ طرف سے کامران مرتضیٰ کو نامزد کردیا 

چاروں جماعتوں کے پارلیمانی لیڈرز نے نام چیئرمین سینیٹ کو بجھوا دیئے۔

ادھر ذرائع کا کہنا ہے کہ تحریک انصاف نے بھی پالیمانی کمیٹی کے لئے تین نام فائنل کر لئے ہیں۔قومی اسمبلی سے بیرسٹر گوہر اور حامد رضا کا نام فائنل کیا گیا ہے جبکہ سینیٹ سے بیرسٹر علی ظفر کے نام پر اتفاق ہوا ہے۔

واضح رہے کہ 26ویں آئینی ترمیم کے بعد خصوصی کمیٹی نئے چیف جسٹس کا نام فائنل کرے گی اور پھر حتمی رائے ہونے پر تقرری کی جائے گی۔