اڈیالہ جیل کے واش روم میں گرنے سے پرویز الہی کی ہڈی میں فریکچر ہوگیا

پاکستان تحریک انصاف کے صدر اور سابق وزیراعلیٰ پنجاب چوہدری پرویز الہی جیل کے واش روم میں گر گئے جس کے باعث اُن کی ہڈی فریکچر ہوگئی ہے۔

تفصیلات کے مطابق اینٹی کرپشن لاہور کی عدالت میں پرویز الہی سمیت دیگر ملزمان کے خلاف غیر قانونی بھرتیوں کے کیس میں فرد جرم کی کارروائی آج بھی مکمل نہ ہوسکی ۔

جیل حکام نے سماعت میں پرویز الہیٰ کو پیش نہیں کیا اور عدالت کو ڈپٹی سپرنٹنٹنڈنٹ اڈیالہ جیل نے بتایا کہ پرویز الہیٰ 17 مارچ کو اڈیالہ جیل کے واش روم میں گر گئے تھے جس کی وجہ سے اُن کی ہڈی می معمولی فریکچر ہوا ہے۔

پرویز اعلیٰ کی عدم موجودگی پر عدالت نے ملزمان کی تعداد پوری نہ ہونے کے باعث فرد جرم عائد نہیں کی اور سماعت کو چار اپریل تک ملتوی کردیا۔