دنیا کا سب سے بڑا انسانی پرچم، پاکستانی بچوں نے بھارت کا ریکارڈ توڑ دیا

لاہور : پاکستانی بچوں نے اہم کارنامہ سرانجام دیتے ہوئے دنیا کا سب سے بڑا انسانی پرچم بنا کر عالمی ریکارڈ قائم کرلیا ،اس سے قبل بھارت کے پاس یہ ریکارڈ موجود تھا۔

ذرائع کے مطابق دنیا کے سب سے بڑے انسانی پرچم کا ریکارڈ پاکستان نے اپنے نام کرلیا۔

آرمی پبلک اسکول (اے پی ایس) لاہور کے بچوں کی جانب سے نیاعالمی ریکارڈ قائم کیا، لاہور گیریژن ایجوکیشن سسٹم کے طلبہ نے سب سے بڑا انسانی پرچم بنایا۔

پاکستان کا انسانی جھنڈا بنانے میں10 ہزار سے زائد طلبہ شامل ہوئے، اس سے قبل انسانی جھنڈا بنانے کا ریکارڈ بھارت کے پاس تھا۔

نیاعالمی ریکارڈ حکومت پنجاب کی جانب سے منعقد کیے گئے، لاہور یوتھ فیسٹول میں بنایا گیا ، منفرد ریکارڈ قائم کرنے کے بعد طلبہ نے جشن منایا اور ملی نغموں کی دھنوں پر جھومتے رہے۔

بھارت کے 7368 طلبہ نے رواں سال انسانی جھنڈا بنا کر گنیز ورلڈ بک میں نام لکھوایا تھا تاہم پاکستانی طلبہ نے بڑے مارجن سے بھارت کا ریکارڈ توڑ دیا۔