غیر شرعی نکاح کیس کا فیصلہ ابلیس کا ہے اور یہ غیرت اور بے غیرتی کی جنگ ہے، بشری بی بی

سابق خاتون اول اور عمران خان کی اہلیہ بشریٰ بی بی نے دوران عدت نکاح کیس کے فیصلے پر ردعمل دیتے ہوئے اسے غیرت اور بے غیرتی کی جنگ قرار دیا اور اسے ابلیس کا فیصلہ کہا ہے۔

غیر شرعی نکاح کیس فیصلے پر بشری بی بی نے اڈیالہ جیل میں صحافیوں سے غیر رسمی گفتگو میں کہا کہ عدت کا معاملہ  قرآن مجید میں ہے سب واضح ہے ، میں نے قرآنی تعلیمات کے مطابق عدت کا دورانیہ مکمل کیا، میرے رب نے قرآن پاک میں عدت سے متعلق سب پہلے ہی بتا دیا تھا۔

انہوں نے کہا کہ یہ غیرت اور بے غیرتی کی جنگ ہے اور یہ ابلیس کا فیصلہ ہے۔ اصل فیصلہ تو عوام نے کرنا ہے۔ انہوں نے نام لیے بغیر تنقید کرتے ہوئے کہا کہ باہر سے غلام آگیا ہے وہ انکی نوکری کرے گا۔