سائفر کیس، جنرل باجوہ کو بطور گواہ شہادت کیلیے بلوایا جائے، عمران خان

سابق وزیراعظم عمران خان اور سابق وزیر خارجہ شاہ محمود قریشی پر سائفر کیس میں 12 دسمبر کو فرد جرم عائد کی جائے گی، عمران خان نے جنرل (ر) باجوہ کو بطور گواہ بلوانے کی خواہش ظاہر کردی۔

اڈیالا جیل میں سائفر کیس کی سماعت سیکرٹ ایکٹ خصوصی عدالت کے جج ابو الحسنات ذوالقرنین نے کی۔ سماعت کے موقع پر سکیورٹی کے انتہائی سخت انتظامات کیے گئے تھے ، جوڈیشل مسجٹریٹ کے حکم پر آج میڈیا نمائندوں کو بھی کوریج کیلئے جیل کے اندر جانے کی اجازت دی گئی۔

عمران خان نے سماعت کے دوران کہا کہ سابق آرمی چیف جنرل(ر) قمر جاوید باجوہ کو بطور گواہ بلوانا چاہوں گا،اس کے علاوہ امریکی سفارتخانے سے بھی نمائندہ بلوانا چاہوں گا۔

سابق چیئرمین پی ٹی آئی سابق کے وکلاء نے عدالتی سماعت پر اعتراض کرتے ہوئے کہا کہ سماعت کیلئے جاری نوٹیفکیشن میں قانونی تقاضے پورے نہیں کیے گئے۔