کندھ کوٹ کے ہائی وے پر کچے کے ڈاکوؤں کا دھاوا، ٹرک ڈرائیور کو اغو کرلیا

سندھ کے ضلع کندھ کوٹ میں کچے کے ڈاکوؤں نے انڈس ہائی وے پر فائرنگ کر کے روڈ بلاک کیا اور پشاور سے تعلق رکھنے والے ایک مال بردار ٹرالر کے ڈرائیور کو اغوا کرلیا۔

تفصیلات کے مطابق کندھ کوٹ کے علاقے کرمپور کے قریب انڈس ہائی وے پر درجن سے زائد ڈاکوؤں نے مصرف شاہراہ پر آکر فائرنگ کی اور ٹریفک کو روکا۔

ڈاکوؤں نے مسافر گاڑیوں میں لوٹ مار کی جبکہ مال بردار ٹرک، مژدہ اور ٹرالر سے بھی مال نکالا، اسکے علاوہ ملزمان اپنے ہمراہ ایک ڈرائیور کو اغوا کر کے لے گئے۔

ٹرک ڈرائیور کے ساتھیوں کے مطابق اغوا کیے جانے والے ڈرائیور کا نام ارشد پٹھان ہے جو پشاور کا رہائشی ہے جبکہ ڈاکوؤں کی فائرنگ سے مژدہ میں صفائی کرنے والا ایک مزدور بھی زخمی ہوا ہے۔