کراچی میں ہفتے اور اتوار کو گرج چمک کے ساتھ بارش کا امکان

شہر قائد میں ہفتے اور اتوار کو گرج چمک کے ساتھ بارش کا امکان ہے۔

محکمہ موسمیات ارلی وارننگ سینٹر نے پیش گوئی کی ہے کہ ہفتے کو کراچی میں کہیں کہیں گرج چمک کے ساتھ درمیانی شدت کی بارش کا امکان ہے۔

محکمہ موسمیات کے مطابق بارش کا سلسلہ اتوار تک جاری رہ سکتا ہے اور اس دوران آندھی چلنے کا بھی امکان ہے۔

ارلی وارننگ سینٹر نے بتایا کہ دیہی سندھ کے مختلف اضلاع میں بارش ہونے کا امکان ہے۔