کراچی میں سردی کی شدت میں مزید اضافہ، محکمہ موسمیات کا اہم بیان

کراچی: شیر قائد میں گزشتہ روز کی نسبت سردی کی شدت میں اضافہ ہوگیا جس کے باعث کم سے کم درجہ حرارت 9.8 ڈگری سینٹی گریڈ ریکارڈ ہوا۔

محکمہ موسمیات کی ارلی وارننگ سینٹر پیشن گوئی کے مطابق پیر کو شہر میں معمول سے تیز سرد ہوائیں چل سکتی ہیں جس کے سبب مجموعی درجہ حرارت میں ایک سے دو ڈگری کمی متوقع ہے۔

 صبح کم سے کم پارہ سنگل ڈجیٹ میں 9 ڈگری ریکارڈ ہو سکتا ہے۔کراچی میں آئندہ 24 گھنٹوں کے دوران موسم سرد اور خشک رہے گا جبکہ زیادہ سے زیادہ درجہ حرارت 28 جبکہ کم سے کم 9 ڈگری سینٹی گریڈ متوقع ہے۔

اتوارکی صبح ہلکی دھند کے باعث حدِ نگاہ 3 کلو میٹر ریکارڈ ہوئی جبکہ دن بھر 5 سے 20 کلومیٹر فی گھنٹہ کی رفتار سے شمال مشرقی سمت سے ہوائیں  چل رہی تھیں۔