کراچی سے 12 سالہ بچی اغوا، پڑوسی پر شک

گلبرگ پولیس نے بلاک 12 میں قائم کچی آباد محمدی کالونی سے مبینہ طور پر اغوا کی جانے والی 12 سالہ بچی کے مبینہ طور پر اغوا کیے جانے کا مقدمہ درج کر لیا۔

تفصیلات کے مطابق گلبرگ پولیس نے بلاک 12کچی آباد محمدی کالونی سے مبینہ طور پر اغوا کی جانے والی 12 سالہ بچی کے مبینہ طور پر اغوا کیے جانے کا مقدمہ درج کر لیا۔

مقدمہ الزام نمبر 44-2025 مغویہ کے والد قلندر عباس کی مدعیت میں 364-A کے تحت درج کیا گیا۔ مدعی قلندر عباس نے پولیس کو بتایا کہ اس کی 12 سالہ بیٹی 26 جنوری کو شام 6 بجے لاپتہ ہوئی تھی۔ 

مدعی کا دعویٰ ہے کہ اس کی بیٹی کو اس کے پڑوسی شعیب نامی شخص نے اپنے دو نامعلوم ساتھیوں کے ہمراہ اغوا کیا ہے ، پولیس کا کہنا ہے کہ مغویہ بچی کی بازیابی کے لیے تحقیقات کا آغاز کر دیا ہے۔

 اغوا کاروں کے موبائل نمبرز کو ٹریس کر رہے ہیں ، مغویہ بچی کے اہلخانہ نے بچی کی جلد بازبی کے لیے پولیس کے اعلیٰ حکام سے کارروائی تیز کرنے کی اپیل کی ہے ۔