محکمہ موسمیات کی ملک میں درجہ حرارت بڑھنے کی پیش گوئی!

محکمہ موسمیات نے ملک کے بیشتر علاقوں میں رواں ہفتے درجہ حرارت بڑھنے کی پیش گوئی کی ہے اور ہفتے کے آخر میں بارشوں کا امکان ظاہر کردیا ہے۔  

محکمہ موسمیات کے مطابق ملک کے بیشتر علاقوں میں8 تا 10 مئی درجہ حرارت میں 3 سے5 ڈگری تک اضافہ ہوسکتا ہے۔

این ڈی ایم اے کے مطابق درجہ حرارت میں ممکنہ اضافے سے ہیٹ ویوکی صورتحال پیدا ہوسکتی ہے، ہیٹ ویو سے بچنے کے لئے عوام سے احتیاطی تدابیر اختیار کرنے کا کہا گیا ہے۔

این ڈی ایم اے کا کہنا ہے کہ مختلف علاقوں میں 10 مئی سے آندھی، جھکڑ  اور گرج چمک کے ساتھ بارش کا امکان ہے۔