ملک میں مختلف ایئر لائنز کی پروازیں تاخیر کا شکار

کراچی: آپریشنل مسائل کے باعث مختلف ایئر لائنز کی پروازیں تاخیر کا شکار ہیں۔

ذرائع کے مطابق کراچی سے اسلام آباد کے لیے پی آئی اے کی پرواز میں 3 گھنٹے کی تاخیر کاشکار ہوگئی ہے، پرواز 7 بجے کی بجائے10 بجے روانہ ہو ئی۔

اسلام آباد سے کراچی کے لیے پی آئی اے کی پرواز 301 بھی 3 گھنٹے تاخیر کا شکار ہوئی،پروازدوپہر 1 بجے روانہ ہو ئی۔کراچی سے لاہور کی پروازوں پی کے 304 اور 306 میں بھی 2، 2 گھنٹے کی تاخیر ہوئی ۔

لاہور سے کراچی کے لیے نجی ایئر لائن کی پرواز میں پونے 3 گھنٹے کی تاخیر ہوئی ہے۔

اس کے علاوہ اسلام آباد سے نجف، دبئی، العین اور جدہ کے لیے بھی پروازوں کی روانگی میں تاخیر ہوئی ہے۔