پنجاب اور سندھ میں دھند کا راج، موٹر ویز مختلف مقامات سے بند

اسلام آباد : پنجاب اور سندھ میں اسموگ اور دھند کا راج برقرار ہے، ٹریفک حادثات میں ایک شخص جاں بحق اور 6افراد زخمی ہوگئے۔

ذرائع کے مطابق اسموگ اور دھند کے باعث موٹرویز کو مختلف مقامات پر ٹریفک کے لیے بند کر دیا گیا ہے۔

ترجمان موٹروے پولیس کا کہنا ہے کہ لاہور سیالکوٹ موٹروے دھند اور سموگ کی وجہ سے بند ہے۔ موٹروے ایم 5ملتان سے سکھر تک بند  ہے۔

موٹروے ایم 3،لاہور سے درخانہ تک جبکہ موٹروے ایم 4، پنڈی بھٹیاں سیعبدالحکیم تک بند ہے۔ اس کے علاوہ موٹروے ایم 2 لاہور سے کوٹ مومن تک دھند اور اسموگ کے باعث بند کردی گئی ہے۔

دوسری جانب دھند سے حدِنگاہ  کم ہونے کے باعث پنڈی بھٹیاں اور قصور میں ٹریفک حادثات  ہوئے جس میں ایک شخص جاں بحق اور 6افراد کے زخمی ہونے کی اطلاعات ہیں۔