پی ٹی آئی کے اہم رہنما الیکشن سے دستبردار : ’اللہ ہم سب کا حامی و ناصر ہو‘

پاکستان تحریک انصاف کے اہم رہنما اور سابق وفاقی وزیر تعلیم شفقت محمود نے انتخابات سے ازخود دستبردار ہونے کا اعلان کردیا۔

انہوں نے اپنے پیغام میں بتایا کہ ’میں نے قومی اسمبلی کے حلقہ این اے 30 اور پی پی 170 سے کاغذات نامزدگی جمع کرائے تھے تاہم اب الیکشن سے الگ ہونے کا فیصلہ کرلیا ہے‘۔

شفقت محمود نے واضح کیا کہ وہ اب کسی بھی نشست پر بطور امیدوار الیکشن میں حصہ نہیں لیں گے۔ اس کے ساتھ ہی شفقت محمود نے اپنے پیغام میں لکھا کہ ’اللہ ہم سب کا حامی و ناصر ہو‘۔