پیٹرول کی قیمت میں 7 روپے کمی، ڈیزل مہنگا

حکومت نے پیٹرول کی قیمت میں کمی کا نوٹی فکیشن جاری کردیا۔

تفصیلات کے مطابق حکومت نے آئندہ 15 روز کیلیے پیٹرول کی فی لیٹر قیمت میں 7 روپے 54 پیسے کمی کردی۔

حکومت نے ہائی اسپیڈ ڈیزل کی قیمت میں ایک روپے 48 پیسے کا اضافہ کیا۔ قیمتوں میں ردو بدل کا نوٹی فکیشن محکمہ خزانہ کی جانب سے جاری کردیا گیا ہے۔

اعلامیے کے مطابق نئی قیمتوں کا اطلاق رات بارہ بجے سے اگلے پندرہ روز کیلیے ہوگا۔

کمی کے بعد پیٹرول کی فی لیٹر قیمت 272.15 روپے سے 264روپے 61 پیسے پر پہنچ گئی ہے۔ جبکہ ہائی اسپیڈ ڈیزل کی قیمت ایک روپے اضافے کے بعد 285 روپے 83 پیسے پر پہنچ گئی ہےْ