قید بامشقت، عمران خان کو اڈیالہ جیل میں صفائی ستھرائی کا کام مل گیا

پاکستان تحریک انصاف کے بانی چیئرمین کو عدالتی فیصلے کی روشنی میں نواز شریف کی طرح قید بامشقت دے دی گئی۔

اڈیالہ جیل کے حکام نے بتایا کہ بانی پی ٹی آئی بھی جیل میں اپنے کمرے کی صفائی ستھرائی اور تزئین و آرائش کا خیال رکھیں گے۔ 

عدالتی احکامات موصول ہونے کے بعد جیل سپرنٹنڈنٹ نے سزا پر عملدرامد کےلئے احکامات جاری کردیے، سیکیورٹی وجوہات کو مدنظررکھتے ہوئے اپنے ہی کمرے کی تزئین وآرائش وصفائی ستھرائی کی سزا دی گئی ہے۔ 

سپرنٹنڈنٹ میاں فاروق نذیر نے بتایا کہ کوئی دوسری سزا دینے سے سیکیورٹی کا معاملہ درپیش آسکتا ہے۔

واضح رہے کہ میاں نواز شریف کو بھی کوٹ لکھپت جیل میں اپنی ہی بیرک کی صفائی کا کام دیا گیا تھا۔