رمضان المبارک کا چاند کب نظر آئے گا؟ سپارکو نے پیشگوئی کردی

اسلام آباد : ملک میں رمضان المبارک کا چاندنظر آنے کے حوالے سے اسپیس اینڈ اپر ایٹماسفئیر ریسرچ کمیشن نے پیشگوئی کردی۔

ترجمان سپارکو کا اس حوالے سے کہنا ہے کہ پاکستان میں رمضان المبارک 2 مارچ 2025 سے شروع ہونے کا امکان ہے۔

ترجمان نے بتایا کہ نیا چاند 28فروری2025 کو پاکستانی وقت کے مطابق صبح 5 بج کر 45 منٹ پر پیدا ہوگا، 28 فروری کو غروب آفتاب کے وقت چاند کی عمر 12 گھنٹے ہوگی۔

ترجمان کے مطابق سعودی عرب میں28 فروری کو چاند نظر آسکتا ہے، سعودی عرب میں رمضان یکم مارچ سے شروع ہوگا۔

ترجمان کا کہنا ہے کہ شوال کا چاند 30مارچ کو متوقع ہے اور عیدالفطر 31مارچ کو ہوسکتی ہے۔

سپارکو ترجمان نے وضاحت کی کہ رمضان کے چاند کی رویت کا حتمی فیصلہ رویت ہلال کمیٹی کے پاس ہے۔