سپریم کورٹ کے فیصلے کے بعد چیف الیکشن کمشنر کا بڑا اعلان

چیف الیکشن کمشنر سکندر سلطان راجہ نے کہا ہے کہ الیکشن شیڈول تیار ہے اور میں نے کبھی انتخابات کے انعقاد میں تاخیر کی بات نہیں کی۔

سپریم کورٹ کے فیصلے کے بعد چیف الیکشن کمشنر الیکشن پہنچے، جہاں انہوں نے صحافیوں سے غیر رسمی گفتگو میں کہا کہ میں نے کبھی نہیں کہا کہ الیکشن میں تاخیر ہو سکتی ہے، خبر دینے سے پہلے تصدیق کر لیا کریں۔

چیف الیکشن کمشنر نے کہا کہ کل ہمارا اس حوالے سے کوئی فیصلہ نہیں  ہوا تھا، آج ہم نے دو رپورٹس بنائی ہوئی تھیں۔

انہوں نے کاہ کہ آج چیف جسٹس سے ملاقات خوش گوار رہی، ڈی سی اسلام آباد کا کوئی بڑا ایشو نہیں ہے۔

انہوں نے کہا کہ بڑے بڑے برج الٹ گئے، ڈی سی اسلام آباد کے حوالے سے تمام معاملات کو دیکھا گیا ہے۔