سونا غریب کی سوچ سے بھی دور ہوگیا، قیمت میں بڑا اضافہ

کراچی: بین الاقوامی بلین مارکیٹ میں فی اونس سونے کی قیمت 24ڈالر کا بڑا اضافہ دیکھنے کو ملا۔

بڑے اضافے سے 2278ڈالر کی نئی بلند ترین سطح پر پہنچنے کے باعث مقامی صرافہ مارکیٹوں میں جمعہ کو 24 قیراط کے حامل فی تولہ سونے کی قیمت 2800روپے کے اضافے سے 237600روپے پر پہنچ گئی۔

فی دس گرام سونے کی قیمت بھی 2401روپے کے اضافے سے 203704روپے کی سطح پر آگئی۔

تاہم اسکے برعکس فی تولہ چاندی کی قیمت بغیر کسی تبدیلی کے 2600روپے اور فی دس گرام چاندی کی قیمت بھی بغیر کسی تبدیلی کے 2211.93روپے کی سطح پر مستحکم رہی۔