سیکیورٹی یا طبی مسائل کیوجہ سے عمران خان کو جیل سے منتقل کرسکتے ہیں، رانا ثنا اللہ

وزیراعظم کے مشیر برائے سیاسی امور رانا ثنا اللہ نے کہا ہے کہ بانی پی ٹی آئی عمران خان کو سیکیورٹی یا صحت کے معاملات پر کہیں منتقل کرنے کے امکانات ہو سکتے ہیں۔

نجی ٹی وی کو انٹرویو دیتے ہوئے انہوں نے کہا کہ جیل کے اندر ہی ٹرائل کا فیصلہ بھی عمران خان کی سکیورٹی کے سبب کیا گیا تھا۔

ان کا کہنا تھا کہ سکیورٹی اورصحت کے سبب خاص انتظام کی بات ہوسکتی ہے۔ تاہم فی الحال ایسی کوئی بات نہیں کی گئی ہے۔

واضح رہے کہ علیمہ خان نے دعوی کیا تھا کہ عمران خان کو اڈیالہ جیل سے بنی گالہ منتقل کرنے کی پیش کش وزیر اعلی کے پی لے کر آئے تھے۔

بانی پی ٹی آئی بنی گالہ منتقلی کی پیش کش پر ردعمل دے چکے اور انہوں نے کہا تھا کہ تمام کارکنان کی رہائی کے بعد ہی وہ اس پیش کش کے بارے میں سوچ سکتے ہیں۔