ویڈیو: امریکی خاتون اپنے نوعمر عاشق کے گھر پہنچ گئی

کراچی کے نوعمر لڑکے کی محبت میں امریکا سے کراچی آنے والی 33 سالہ امریکی خاتون اپنی محبت (لڑکے )کے گھر پہنچ گئی۔

ذرائع کے مطابق خاتون نے امریکا جانے سے صاف انکار کردیا ہے، جبکہ ایک آن لائن کیب میں کراچی ایئرپورٹ سے روانہ ہوگئی تھی۔

خاتون گارڈن کے علاقے میں علی آرکیڈ پہنچی اور عمارت کی پارکنگ میں بیٹھ گئی۔ اپارٹمنٹ یونین کی جانب سے خاتون کو واپس جانے کے لیے کہا گیا لیکن خاتون جانے کو تیار نہیں تھی۔خاتون نے نیویارک جانے والی پرواز میں سوار ہونے سے بھی انکار کر دیا۔

اپنی ناکام محبت پر دل شکستہ مایوس خاتون کو پولیس کی حفاظت میں طیارے میں لے جایا گیا لیکن وہ بہانے بنا کر امریکہ واپس جانے سے بچنے کی کوشش کرتی رہی۔

ذرائع کے مطابق اسے ڈیپارچر لاؤنج سے  پولیس اور ایئرپورٹ سیکورٹی فورس کی نگرانی میں ہوائی جہاز میں لے جایا گیا۔ تاہم، اس نے دوحہ سے نیو یارک جانے والی قطر ایئرویز کی پرواز میں سوار ہونے سے انکار کر دیا۔

خاتون ماہ کے ویزے پر پاکستان پہنچی تھی، لیکن اس کے بوائے فرینڈ نے خاندان کے دباؤ کی وجہ سے اس سے شادی کرنے سے انکار کردیا تھا۔

پولیس نے اس کی واپسی کا بندوبست کرنے کے لیے امریکی قونصل خانے سے رابطہ کیا، لیکن انھیں ابھی تک کوئی جواب موصول نہیں ہوا۔