ایم ڈی کیٹ کا دوبارہ امتحان، طلبا کیلیے اہم خبر

عدالت کے حکم پر کراچی سمیت سندھ بھر میں ایم ڈی کیٹ 2024 کے امتحانات 8 دسمبر کو دوبارہ ہوں گے۔

عدالت کے حکم پر سکھر آئی بی سے ٹیسٹنگ امتحانات کا انعقاد کرےگا، جس کے مطابق میڈیکل اور ڈینٹل کالج و جامعات کے داخلہ ٹیسٹ آئی بی اے سکھر کے زیراہتمام ہوں گے۔

ایم ڈی کیٹ کے امتحانات کراچی، حیدرآباد، میرپور خاص، شہید بینظیرآباد، لاڑکانہ اور سکھر میں ہوں گے۔

امتحان میں شریک ہونے والے امیدواروں کو اصل ایڈمٹ کارڈ سلپ، شناختی یا اسمارٹ کارڈ، فیملی رجسٹریشن سرٹیفیکٹ، پاسپورٹ،میٹرک اور انٹرمیڈیٹ کی مارک شیٹ لازمی لانا ہوگی اور ایڈمٹ کارڈ سلپ یا اصل دستاویزات کے بغیر اُسے ٹیسٹ کی اجازت نہیں دی جائے گی۔