پاکستانیوں کا ڈیٹا خطرے میں، الرٹ جاری کردیا گیا

قومی ٹیلی کمیونیکیشن اور انفارمیشن ٹیکنالوجی سیکیورٹی بورڈ (این ٹی آئی ایس بی) نے سائبر حملوں کے بڑھتے ہوئے خطرات کے حوالے سے ایک اہم الرٹ جاری کیا ہے۔

جس میں براؤزر، ورچوئل پرائیویٹ نیٹ ورکس (وی پی اینز) اور مصنوعی ذہانت پر مبنی ایپلی کئیشنز سمیت مختلف ڈیجیٹل ٹولز کے استعمال سے روکنے کا مشورہ دیا گیا ہے جبکہ حساس معلومات کو نشانہ بنانے والے بڑھتے ہوئے خطرات کی طرف توجہ دلائی گئی ہے۔

کروڑوں افراد کی طرف سے سہولت کے لیے وسیع پیمانے پر استعمال ہونے والے براؤزر کو ایک اہم خطرناک راستہ قرار دیا گیا ہے۔

ہیکرز ان توسیعات کا استعمال کرکے صارفین کی شناختی معلومات، خاص طور پر فیس بک اور آن لائن بینکنگ سروسز جیسے پلیٹ فارمز سے چوری کرنے کی کوشش کر رہے ہیں۔ نشان زدہ ٹولز میں ChatGPT-4 اور Gemini for Chrome جیسے AI پر مبنی توسیعات بھی شامل ہیں، جنہیں این ٹی آئی ایس بی نے ممکنہ طور پر خطرناک قرار دیا ہے۔ اس کے علاوہ، مفت وی پی اینز اور غیر تصدیق شدہ AI چیٹ بوٹس کو بھی مشکوک سافٹ ویئر کی فہرست میں شامل کیا گیا ہے۔

اکرٹ میں ان خطرات کو کم کرنے کے لیے احتیاط اور احتیاطی تدابیر کی ضرورت پر زور دیا گیا ہے۔

غیر تصدیق شدہ ٹولز سے اجتناب کرنے، معتبر اور باقاعدگی سے اپ ڈیٹ ہونے والے سافٹ ویئر کا انتخاب کرنے اور سائبر سیکورٹی دفاع کو بڑھانے کے لیے لائسنس یافتہ اینٹی وائرس پروگرامز کا استعمال کرنے کی اہمیت پر روشنی ڈالی گئی ہے۔

این ٹی آئی ایس بی نے خبردار کیا ہے کہ احتیاطی اقدامات نہ اٹھانے سے صارفین کو حملوں اور متاثرہ سافٹ ویئر کا شکار ہونے کا خطرہ لاحق ہو سکتا ہے، جس سے ممکنہ طور پر حساس معلومات کی چوری ہو سکتی ہے۔